Mein
dekhta hoon
aakash mein
chamakte
asankhye, an-ginat sitaare
apnee hee
tim-timahat mein magan
maano
kaali chadar per
moti jade hon
tab
mein
tumhaari taraf
ghoomta hoon,
teri aankhon mein
jhankta hoon
aur
soch mein
pad jaata hoon
ki 'US-NE'
kis parkar
is sab kaa
saman-vay
kiya hoga.....
ek jodi aankh
aur
asankhye
tim-timaate
sitaare
mein
fir ghoomta hoon,
aashcharya ke
saagar mein
doob jaata hoon
aur sochta hoon
ki
'WOH'
jise hum
sarav kalaa sampooran
sarav-gun sampann
maante hain
jis-ne apni srishtee ko
sunder banaane ke liye
aakash mein
asankheye
jag-magaate
sitaaron ki
rachnaa kee
kis parkaar....kyun...
itnee badi
bhool 'WOH'
kar baitha
aur
tumhaari
aankho mein
jyoti daalnee
bhool gaya
aur tumhen
andhaa banaa diya
anarth....ghor anarth
mein
fir ghoomta hoon
aur apne antarman mein
jhaankta hoon
sochta hoon
is
vi-sangatee ke prati
kya hum
kuch naheen........
kuch bhee naheen....
kar sakte....
yeh shareer to
nashwar hai
naa sahee abhee
marno-praant to
netra (aankhein) daan kar
ek naheen
do andhon ko
jyoti pradaan kar
'US-KI' bhool ka
sudhaar kar sakte hain
aao
netra daan ka
sankalp lein
aaz valentine week ki
is pehali subha ko
rose day per
do andhon ko
aankho ke gulaab
bhent karne ka
No comments:
Post a Comment