begaano mein palta hoon

Aaj kal 
apno ne 
saath chalna 
chod diya hai

bechaare 
kab tak 
saath chalte

jeewan ke 
oobad khabad raston main
saath chalne waale 
sabhee 
apne to naheen hote

safar ke har saathi mein
jo ki begaana hota hai
apne-pan ka 
ehsaas sa hone laga hai

aur 
kai baar to 
yoon lagta hai

ki
yeh begaane
dheere-dheere 
apne ban-ne lage hain

magar 
kisi apne kee 
yaad

jo
man ke 
kisi kone mein
shaayad 
abhee tak 
dabee hai
chingaari ki terah
dhadhak uth-ti hai
aur fir

fir.... 
yeh ehsaas 
ho jaata hai

naheen......

mein
begaano mein 
palta hoon